"நகர்ந்து கொண்டிருப்பதே நதி!-இயங்கிக் கொண்டிருப்பவனே இளைஞன்!"

தவத்திரு குன்றக்குடி அடிகளார்- அவர்களின் கதை

2008-07-11T17:25:00.013+05:30

பாகம் 1
தவத்திரு குன்றக்குடி அடிகளார்

-அவர்களின் கதை

இந்த நூற்றாண்டின் முற்பகுதியில்...

தஞ்சை மாவட்டத்திலுள்ள, ஒரே ஒரு தெருவாக மட்டுமே இருந்த அந்த சின்னஞ்சிறிய கிராமத்தின் பெயர் தான் நடுத்திட்டு.

அந்த கிராமத்தில் வசித்த சீனிவாசம் பிள்ளை-சொர்ணத்தாச்சி என்ற தம்பதிகளுக்கு பிறந்த, ஓர் அக்கா, 2 அண்ணன்களு க்குப்( கோபால கிருஷ்ணன்,பாண்டுரங்கன்)பிறகு 1925 -ஆம் வருடம் ஜீலை 11ந்தேதி பிறந்த கடைக்குட்டி பையனின் பெயர் தான் ரங்கநாதன்.

திருமணமாகிப் போன அக்காள் வீட்டில் போய் இருந்த சிறுவன் ரங்கநாதனின் சேட்டையை சகிக்க முடியாமல், அக்காளின் கணவர் அவனை அடித்து விட...

பெற்றோர்களிடம் வந்து அழுது அடம்பிடித்த ரோஷக்கார ரங்கநாதனுக்கு, ஆறு வயதானதால் ஆரம்பப் பள்ளியில் முதல் வகுப்பில் சேர்க்கப் பட்டான்.

அப்பா சீனிவாசன் விளையாட்டுத்தனமாகப் பந்தயம் கட்டியதில், தனக்கிருந்த விளைநிலத்தை இழந்து பிறகு, திருவேட்களம் என்ற கிராமத்திற்கு அவனின் குடும்பம் இடம் பெயர்ந்தது.

இரண்டு மூன்று பசு மாடுகளை வளர்த்து,பால் கறந்து ,அதனால் வரும் வருமானம் என்று எளிமையாக வாழ்ந்து வந்தது அவனின் குடும்பம்.

வீட்டு மாடுகளிடம் கறந்த பாலை வீடு வீடாக ஊற்றி வரும் வேலை ரங்கநாதனுக்கு ஒதுக்கப் பட்டது.

அந்த சமயத்தில்தான் ஈழத்தைச் சேர்ந்த சுவாமி விபுலானந்த அடிகள் அண்ணாமலைப் பல்கலைழகத்தின் தமிழ்த்துறைத் தலைவராக வந்து சேர்ந்தார்.

திருநீறு அணிந்த நெற்றியுடன் கள்ளங் கபடமில்லாமல், ஓடியாடி துள்ளித் திரிந்த ரங்கநாதனிடம் சுவாமிகள்,தன் மனசை பறிகொடுத்தார்.

மாலை நேரங்களில், தன் மடியில் வைத்துக் கொஞ்சுவது,குதிரை வண்டியில் உரிமையோடு சுவாமிகளோடு எங்கேனும் செல்வது என்று அவர்கள் இருவருக்குமான உறவு தாய் பசுவுக்கும் கன்றுக்குமான உறவைப் போல இறுகியது.

"கடவுளை நம்பு"
"தமிழை நன்றாகப் படி"
"தீண்டாமை கூடாது"
"மனிதாபிமானத்துடன் எல்லோருக்கும் உதவு"

என்று சொன்ன விபுலானந்தரின் அறிவுரைகள்...

நாமும் இவரைப் போல் துறவியாக வாழ்ந்து காட்ட வேண்டும் என்ற விதையை விதைத்தது .

மூன்றாண்டுக் காலம் பணியாற்றிய பிறகு விபுலானந்த அடிகள் இலங்கைக்கு திரும்ப நேரிட்டது. இதை அறிந்த ரங்கநாதன் "நானும் வருவேன்", என்று அடம் பிடித்தான்.

ஒரு நாள் இரவில் ரங்கநாதன் வீட்டில் உறங்கிக் கொண்டிருந்த போது, இவன் சிறுவன் இலங்கைக்குப் போன பிறகு "அம்மா ,அப்பாவைப் பார்க்க வேண்டும் என்று அழுவான்.எனவே இப்போது இவனை அழைத்து போவது சரியல்ல. பெரியவனாகட்டும் அப்போது பார்க்கலாம்", என்று சொல்லி இலங்கைக்கு சென்று விட்டார்.

அதன் பிறகு அவரை உயிரோடு பார்க்கும் வாய்ப்பு இனி கிடைக்காது என்று அந்த சிறுவனுக்கு தெரியாது.

அதற்கு பிறகு 1953 ஆம் வருடத்தில் (28 வயதான) காவி உடையணிந்த குன்றக்குடி அடிகளார் இலங்கை சென்றபோது சமாதியில் மலர் வளையம் வைத்து கண்ணீர் அஞ்சலி தான் செலுத்த முடிந்து.

விதை முளைத்து கண் விழித்த போது விதை விதைத்தவனின் கண்களை மண் மூடியிருந்தது.

வழக்கறிஞர் தொழிலுக்கு படித்திருந்த இரா.பி.சேதுப் பிள்ளை தமிழ் மொழியின் மீது கொண்டிருந்த தணியாத காதலால், அண்ணாமலைப் பல்கலைகழகத்தின் பேராசிரியர் ஆனார்.

ரங்கநாதன் பால்கார சிறுவன் என்பதால் எளிதில் சேதுப் பிள்ளை அவர்களின் அன்பையும் பெற்றான்.தினமும் ஒரு குறளை தன்னிடம் ஒப்புவிக்கச் சொல்லி ,அன்றாடம் காலணாவை பரிசாக வழங்குவார்.

ஒரு நாள் சிறுவன் தயங்கித் தயங்கி சேதுவின் முன்னால் போய் நின்றான்.

"பள்ளியில் சாரணர் குருளையர் இயக்கத்தில் சேர சீருடை வேண்டும்", என்று கேட்டான்.

அவனை அருகில் அழைத்து குடும்ப நிலவரத்தை பரிவோடு விசாரித்தார்.

அவனுக்கு சீருடை வாங்க ஏற்பாடு செய்தார்.

அவர் வழக்கறிஞர் என்பதால் அவனின் தந்தை பந்தயம் கட்டி இழந்த விளை நிலத்தையும் மீட்டுத் தந்தார்.அதனால்அவன் குடுபத்தின் மரியாதைக்குரிய மனிதரானார்,சேதுப் பிள்ளை.

நாமும் இவரைப் போல எந்த பிரதி பலனையும் எதிர்பார்க்காமல் அடுத்தவர்களுக்கு உதவ வேண்டும் என்ற எண்ணம் பிஞ்சு நெஞ்சில் கல்வெட்டாக விழுந்தது.

சுவாமிகளின் பாதச் சுவடுகள் தொடரும்...

_ஆதிசிவம்.

தண்ணீர்-கவிதை

2008-07-06T16:23:00.000+05:30

குடிக்கவும் காசு கேட்கும்
அரசியல்

நிலவில் தண்ணீர் இருக்கிறதா ?

ஆராயும் அறிவியல்!

_ஆதிசிவம்,சென்னை.

கமல் அவதாரம்

2008-07-04T16:28:00.002+05:30

பட விமர்சனம்
தசாவதாரம்

கதை:

கிருமி கண்ட சோழன் கமலஹாசன் எய்ட்ஸை போலவே, அல்லது அதை விட மோசமாக பரவிக்கொல்லும் ஓர் உயிரியல் வெடிகுண்டை சதிக்கும்பலிடமிருந்து மீட்டு உலகையும் காப்பது .

கதையின் கதை:

சைவ,வைணவப் பிரச்னையில் சிக்கிச் சாகடிக்கப்படும் (மறைந்த எழுத்தாளர் ரங்கராஜன் என்ற சுஜாதாவுக்கு அர்ப்பணமா,கமல்?இந்த பெயர் சூட்டல்?)ரங்கராஜ நம்பி (கமல் 1)யின் நடிப்பும் பின்னணியில் ஆக்ரோஷமாக வெளிவரும் கமலின் கர்ஜனையும் சிங்கத்தின் சிலிர்ப்பு.

அமெரிக்க ஆய்வுக்கூடத்தில் விஞ்ஞானியாக வரும் தமிழ் கோவிந்த ராமசாமி(கமல் 2),கிருமி வெடிகுண்டையை பணத்துக்காக விற்க விரும்பும் சதிக்கூட்டத்துக்கு கிடைக்காமல் தப்பி ஓட, துரத்துகிறார்,வில்லன் கமல் (3).நண்பனின் வீட்டில் பதுங்கி இருக்கும் போது, வில்லனால் சாகடிக்கப்படுகிறார்கள் நண்பனும் ,நண்பனின் மனைவியும்.இதைக் கேள்விப் பட்டு நண்பனின் மனைவியின் அண்ணனாக
வில்லனைத் தேடிக் கிளம்புகிறார், சா ப்பானிய கராத்தே கமல்(4).தமிழ்நாட்டு விமான நிலையத்தில் சிக்கிக்கொள்ளும் நாயகன் கமலை ,விசாரிக்க வருவது ஆந்திர போலீஸ் கமல்(5).வில்லன் கமலிடம் மாட்டித் தப்பிக்க முயற்சிக்கையில் வில்லன் கமல் துப்பாக்கியில் சுட, அது பாடகராக வரும் சிங் கமல்(6) மேல் பட்டு அவர் பிழைத்துக் கொள்கிறார்.

அந்த கிருமி வெடிகுண்டு வயதான கிழவிக்கு (கமல் 7) அனுப்பப் பட,அது சாமியின் சிலைக்குள் சிக்க சிலையோடு தப்பிக்கும் போது அசினும் பிசின் போல ஓட்டிக் கொள்ள, காரில் ஏறி தப்பித்துப் போகும் போது, நடக்கும் விபத்துக்குள்ளான காரின் உள்ளிருத்து கிளம்புகிறார்,கட்டை வைத்து நடக்கும் இன்னொரு உயரமான கமல்(8), அந்த குண்டை கடலில் தூக்கிப் போட்டு அழிக்க முயலும் போது, அது வில்லன்
கமலிடம் சிக்க, அவரைத் தேடி வந்த சப்பானிய கமலுக்கும் நடக்கிற சண்டையின் இறுதியில்,அந்த கிருமி குண்டை உடைத்து வில்லன் கமல் வாய்க்குள் போட, சுனாமியின் வாய்க்குள் வில்லனோடு சேர்ந்து கிருமி குண்டும் மாட்டி அழிந்து போகிறது.அந்த அழிவில் மாட்டிக் கொண்டு மாண்டுபோவது பூவராகன் என்ற கமலும் (கமல் 9) கூட.

அதை அமெரிக்க ஜார்ஜ் புஷ் (கமல் 10) தலைமையில் நடக்கும் கூட்டத்தில் நடந்த சம்பவங்களை விளக்குகிறார். படம் முடிகிறது!

நாட்டைக் கெடுத்த நல்லவர்களும் தலை காட்டி விட்டுப் போகிறார்கள்.

உயரமான கமலும்,சிங் கமலும் வீண்.அசின் கமல் காதல் இளநீர் இதம். என்றால் இன்னொரு பக்கம் பார்த்தால் கதைக்கு அதுவே வேகத்தடை.உலகநாயகன் கமலை விட வில்லன் கமலிடம் நல்ல வேகம்.வில்லன் கமலும் அசினும் படம் முழுக்க பரவியிருக்கிறார்கள்.நம்ம வீட்டு டிவிப் பெட்டியில் ஆங்கிலப் பேய்கள் கூட தமிழ் பேசும் போது, படத்தில் நிறையப் பேர் அந்நிய மொழிகள் பேசுகிறார்கள்.

பாடல்கள்...

"உலக நாயகனே!"... என்ற வைரமுத்துவின் வைரவரிகளுக்கு கே.எஸ்.ரவிக்குமார் வந்து கரகாட்டம் ஆடுவது கொடுமை.

"கல்லைக் கண்டால்"... என்ற பாடல் கல் மனசையும் கரைக்கும் வாலியின் மயக்கும் வரிகள்.

"முகுந்தா முகுந்தா"... என்ற பாடல் சாதனா சர்க்கத்தின் ஐஸ் கிரீம் குரல் நம்மை கரைந்து போகச் செய்கிறது.

1929 ஆம் ஆண்டிலேயே வந்த only me என்ற ஆங்கில இங்கிலாந்து படத்தில் அந்த படத்தின் கதாநாயகன் lutino lan 24 வேடங்களில் நடித்து விட்டார் என்றும், ஏற்கனவே பலபேர் 12,14 வேடங்களில் நடித்து விட்டார்கள்.இவர் என்ன பெரிய உலக நாயகனா? என்ற கமலுக்கு எதிரான அந்த எல்லா கேள்விகளுக்கும் ஒரே பதில்.

இந்த மண்ணில் கமலைத் தவிர உலக நாயகன் என்ற பெயருக்கு தகுதி யாருக்கு இருக்கிறது?

சாதி, மதம் பார்த்து வளரும் மேல்சாதிக்கார மனநிலை தவறிய கிழவி,சுனாமியில் இறந்த கீழ்சாதியில் பிறந்த கமலைக் கட்டிக் கொண்டு அழும்போது, மனநிலை தவறியவள் அந்த கிழவி இல்லை நாம் தான் என்று உணர வைப்பது பல பரிசுகளை வென்ற பக்கா கமல் தனம்.

"ஏசுவும்,அல்லாவும் இந்தியாவுக்குள் அல்லது அதன் அரசியலுக்குள் புகாத நூற்றாண்டு.மோதிக் கொள்ள வேறு கடவுள்கள் இல்லாததால் சைவம்,வைணவம் என்று பிரிந்து பக்தர்கள் வாயிலாக தமக்குள் மோதிக் கொண்ட நூற்றாண்டு."

"யானைக்கும் சரி,மனிதனுக்கும் சரி.மதம் பிடித்துப் போனால் தொல்லை தான்."

"மத நெறி ,மத வெறி ஆனது."

கமலிடமிருந்து சாமி சிலையை பிடுங்கி தொடர் வண்டிப் பெட்டிக்குள் உள்ள ஒரு கழிவறைக்குள் புகும் அசின் "அய்யோ! சவ்ச்சாலயம்" என்று செத்துப் போன சமஸ்கிருதத்தில் கொஞ்சலாக கத்த...
"சரி விடுங்க அதுவும் ஆலயந்தானே" என்னும் கமலின் நக்கல் வசனங்களுக்கும்

"எனக்கு சாமி தான் முக்கியம்", என்று அசின் ஓட...
"எனக்கு மனுசங்க தான் முக்கியம்" என்று கமல் விபத்து நடந்த இடத்துக்கு

தூணியிலயும்,துரும்பிலயும் இருக்கிற உன் கடவுள் பாண்டிச்சேரியில் இருக்கா மாட்டாரா?

கடவுள் இல்லைன்னு நான் எங்க சொன்னேன் இருந்தா நல்லா இருக்கும்னுதானே சொல்றேன்(எப்படி கமல் நீங்க மட்டும் இப்படி இதமா சொல்றீங்க?)

என்ற எல்லா வசனங்களுக்கும் பெரியார் திடல் வழங்கும் விருது, நிச்சயம்!

"உங்கள் சாதனையை,உங்களால் தான் முறியடிக்க முடியும்."

தசாவதாரம் படம் பற்றி....
தமிழர் தலைவர் "கி.வீரமணி"

சேதி:

கடவுளை இல்லை. மனிதர்களைப் பற்றி கவலைப் படுபவர்களால் மட்டுமே இந்த பூமியை காப்பாற்ற முடியும்.

_ஆதிசிவம்,சென்னை.

வலி-கவிதை

2008-06-29T17:22:00.005+05:30

எல்லாம் மறந்து விடுங்க என்றாய்...

எல்லாம் மறந்த என்னை

நீ..........!

என்ன பெயர் வைத்துக் கூப்பிடுவாய்?

ஆதிசிவம்,சென்னை.

மினரல் வாட்டரும் புற்றுநோயும்

2008-06-20T17:50:00.009+05:30

பொதுவாக மினரல் வாட்டர்
பாட்டிலில் உள்ள தண்ணீரை
குடித்த பின் அதைத் தூக்கி
எறிந்து விடவேண்டும்.அந்த
பாட்டில்கள் pet (என்பது ஒரு
நச்சுப் பொருள்) என்று
சொல்லப் படுகிறது.

அந்த நச்சுப்பொருள்
தண்ணீருடன் கலந்து புற்று
நோயை உண்டு பண்ணும்.carcinogenic
element என்ற ஒரு பொருளை
வெளியிடும்.அதுவும்
தண்ணீரோடு கலந்து விடும்.

பிளாஷ்டிக் பாட்டில்களை
திரும்பத் திரும்ப
பயன்படுத்துபவராக
நீங்கள் இருந்தால் ,ஒரு
சின்ன சோதனைக்கு பிறகு அதை
நீங்கள் தொடரலாம்.

மினரல் பாட்டிலை எடுத்து
அதன் அடியில் பாருங்கள்..
அதில் இருக்கும் முக்கோண
வடிவத்தின் உள்ளே ஒரு எண்
போட்டிருக்கும்.அந்த எண்
5-க்கு மேல் இருந்தால் தான்
அந்த பாட்டிலை பலமுறை
பயன்படுத்தலாம்.
பெரும்பாலும் நம்
பயன்படுத்தும்
பாட்டில்களில்பதியப்பட்ட எண் 1-ஆகத்
தான் இருக்கும்.

புத்திசாலிகளும் ,அதிக
நினைவாற்றல்
கொண்டவர்களும்
பெரும்பாலும் கடவுள்
நம்பிக்கை
இல்லாதவர்களாகவே
இருக்கிறார்கள்.இது
லண்டன் உல்ஸ்டர்
பல்கலைகழகத்தின் ஆய்வு.

சிங்கத்தின் முக்கிய
வேலையே தூக்கம்
தானாம்.தினமும் 20 மணிநேரம்
தூங்குமாம்.

ஹைக்கூ வேட்டை

2008-06-20T17:47:00.009+05:30

வேந்தனுக்கும்
தலை வணங்காது
சோளக்கொல்லை பொம்மை

எழுதுவது அல்ல
எழுவது தான்
எழுத்து

இரவெல்லாம்
உன் நினைவுகள்
கொசுக்கள்....

அருவி நீர்
பாறையில் மோதி மோதி
சிதறியது பாறை

நீர் ஊற்றி மனிதனுக்கு
நன்றி சொல்லும் செடிகள்
கொத்துக் கொத்தாய்ப் பூக்கள்

உடைத்தெறிந்தேன் கண்ணாடியை
இனி அழகு
என் முகம்

திடீரென மழை
குளம் நெடுக
வியப்புக் குறிகள்!

கல் மனசுக்காரர்கள்
பாருங்கள்
பாறையை உடைக்கிறார்கள்

செத்த அனாதை ஈ
பாடை தூக்கம்
எறும்புகள்

செவிடன் இறந்தான்
தலைமாட்டில்
ஒப்பாரி!

அந்த ராப்பிச்சைக்காரன்
இறந்து போனான்
அனாதையானது பிளாட் ஃபார்ம்

பகைவனின் எண்ணிக்கைக்கு
அஞ்சாதே!
ஆயிரம் காக்கைகளுக்கு
ஒரு கல்!

ஆறுமுகன் கோயிலில்
ஆறு ஏழு பூட்டுக்கள்
யாமிருக்க பயமேன்?

ஓட்டுப் போட்டுப் விட்டுத்
திரும்பி வந்த பிணம்
திடுக்கிட்டது
தனது கல்லறையில் வேறொரு பிணம்

அரசியல் சாக்கடை என்றார்கள்
பரவாயில்லை என்று இறங்கினேன்
உள்ளே முதலைகள்

கரும்புள்ளி ஏந்தினோம்
விரலில்
வெறும் புள்ளிகள் பெரும்
புள்ளிகள்
தேர்தல்

வேர்களிலுமா
பூக்கள்
மரத்தடியில் மாணவிகள்

வானத்தில் ராக்கெட்
வட்டமிடும் இன்சாட்
இங்கு வயல் வெளிகளில் பவர் கட்

-உங்கள் கவிதைக்காரன்

தப்பித்தது - கவிதை

2008-06-15T12:38:00.005+05:30

கடல் நீர் உப்பு
தப்பித்தது......!

குடித்தே தீர்த்திருப்பான் மனிதன்

-ஆதிசிவம்,சென்னை .

"பிளாஷ்டிக் மனிதர்கள்"-கவிதை

2008-06-06T22:46:00.000+05:30

"பிளாஷ்டிக் பூமி" கவிதை
பிளாஷ்டிக் மனிதர்கள்

எழுபது சதம் தண்ணீரால் ஆனது பூமி
ஆனாலும்
விலைக்குத்தான் கிடைக்கிறது, தண்ணீர்!

தினம் தினம்
பசியால் செத்துக்கொண்டிருக்கும்
பூமியின் கைகளில்
50 பூமிகளை அழிக்க காத்திருக்கிறது
அணு ஆயுதங்கள்..

விலைவாசியைக் கட்டுப்படுத்த தெரியாத
வெடகம் கெட்ட- எங்களுக்கு
ராக்கெட் விடத் தெரியும்!

மனித இனத்தைத் தவிர
எல்லா உயிரினங்களும் அழிகிறதாம்
அதனால் என்ன
மனிதர்களே வித விதமான மிருங்களானபோது..

சாப்பிடும் உணவு தானியங்களிலிருந்து
பெட்ரோல் எடுக்கிறதாம், அமெரிக்கா
எல்லாம் ''தீர்ந்த'' பிறகு
''அவர்களின்'' பெட்ரோல் தொட்டியில் நிரப்ப
உங்களின் இரத்தமும் கேட்டு வருவார்கள்

அதுவரை
நாம் மவுனமாக இருப்போம்...
ஆம்! நாம் மனிதர்கள்!
பிளாஷ்டிக் மனிதர்கள்!...

-ஆதிசிவம்,சென்னை

ஜாக்கி சானின் கதை

2008-05-12T20:08:00.003+05:30

அலெக்சாண்டர் உலகப் படையெடுப்பு துவங்குவதற்கு முன்பு தன் சொத்துக்களை எல்லாம் தன் நண்பர்களுக்கு பிரித்து கொடுத்து கொண்டிருந்தார்.

அலெக்சாண்டரின் நண்பர் கோபமாக கேட்டார் ''எல்லாவற்றையையும் மற்றவர்களுக்கு கொடுத்து விட்டால் உன்னிடம் மீதம் என்ன இருக்கும்?''

அலெக்சாண்டர் கம்பீரமாகச் சொன்னார் ''நம்பிக்கை....!'' என்று.

விமர்சனம்

''அறை எண் 305-இல் கடவுள்''

கதை:கடவுள் இரண்டு இளைஞர்களோடு தங்கி,புத்தி புகட்டி விட்டு மீண்டும் கடவுளாக மாறி காணாமல் போவது.

கதையின் கதை:பேரறிஞர் அண்ணா அவர்கள் ஒரு முறை,''இந்த சென்சார் குறுக்கீடு மட்டும் இல்லாமல் என்னைப் படம் எடுக்க அனுமதித்தால் இரண்டே வருடத்தில் ஆடசியைப் பிடித்துக் காட்டுவேன்'' என்றார்,

அப்படி சொன்னது மாதிரியே ஆட்சியைப் பிடித்து இன்று வரை தமிழ்நாடு நாசமாய் போனது தனி வரலாறு.

நிற்க.

''இம்சை அரசன் 23-ஆம் புலிகேசி''' பிறகு வந்த இரண்டாம் படம், இது.சரித்திர கால படம் மட்டுமல்ல கிராபிக்ஸ் கோட்டையும் கட்ட தெரியும் என்று நிரூபிக்க வேண்டிய கட்டாயமோ என்னவோ, படம் முழுக்க கணிப்பொறியை நம்பி....

சென்னையில் ஆன்களுக்கான தங்கும் விடுதியில் நடக்கும் சம்பவங்களே கதைக்களம்.வேலை தேடி அலைவது,வாடகைப் பாக்கி,உணவு விடுதியில் கடன் என்று ஏற்கனவே பார்த்துப் பார்த்து சலித்துப் போன ஆரம்ப காடசிகள்...

வீட்டு மொட்டைமாடியில் பிரகாஷ் ராஜ் வடிவில் பிரகாஷமாக தோன்றுகிறார்,கடவுள்.

புதிய வேகத்தில்,புதிய பாதையில் வேகம் பிடிக்கிறது,படம்.

சிம்பு தேவன் ஒரு முடிவோடுதான் களம் இறங்கியிருக்கிறார்.அத்தனையும் வசனங்களும் சரவெடி!வெடித்து சிதறியிருப்பது அத்தனையும் போலியான நம்பிக்கைகள்.சிரித்த பிறகு இதுக்கு போயா சிரித்தோம் என்று வருத்தப் படத்தேவையில்லை.அத்தனையும் சிந்தனை முத்துக்கள்!

அந்த இரு இளைஞர்களின் கூடவே தங்கி, உங்கள் குறைகளை கண்டுபிடியுங்கள்.அதை சரி செய்யுங்கள்.முன்னேறுங்கள்!என்று தவறுகளை நேர்மையாக சுட்டிக்காட்டி,தூங்கிப் போகிறார்,கடவுள்.

அந்த இருவரும் கடவுளின் சக்தியிருக்கும் பெட்டியைத் திருடி,கண்டபடி ஊர் சுற்றி,நினைத்ததெல்லாம் செய்து விட்டு,மனிதர்களிடம் தோற்றுப் போய்,திரும்பவும் கடவுளிடம் வந்து சேர்கிறார்கள்.

அதுவரை கடவுள் சக்தியை இழந்த கடவுள்
உள்ளூர் பொறுக்கியை தூக்கிப் போட்டு மிதித்து,கடலை விற்று,மூடும் நிலைக்கு வரும் உணவு விடுதியை தன் உழைப்பால் தூக்கி நிறுத்துவது,தன் கழிவறையை தானே சுத்தம் செய்தும் என்று எல்லா கை தட்டல்களையும் பிரகாஷ்ராஜ் ஒருவரே பெற்று விடுகிறார்.

சேதி:கடவுள் ஒரு உதவாக்கரை.நீ முன்னேற நீ தான் முயற்சி செய்ய வேண்டும்!

வெப்சைட் வேட்டை

my gallery
my address book

www.160by2.com (free sms)
www.way2sms.com (free sms)
www.indyarocks.com (free sms)
www.websnapr.com (catch website's photo without camera)
www.roundpic.com (picture,photo editing)
www.whatisthatfile.com (virus file? finder)
www.lockbin.com (password email protection)
www.thebirthday.com (birthday cards)
www.sputtr.com (all in one search)
www.recoverymyfiles.com (delete files? free software)
www.nanoscan.com (online file virus scaning)
www.riya.com (picture search, notes adding)
www.biography.com

www.mailstore.com (free software,many e-mails manager)
www.famousbirthdays.net
www.voicethread.com (voice and notes adding on picture)
www.picnik.com (photo,picture edit)
www.instasaver.com (create your screen saver)
www.pidgin.com (free software, mange many chatting accounts)
www.spokentext.net (text to voice?convert)
www.file-encryptor.com (password protection? file)
www.xrez.com (picture zoom search)
www.zip-online.net (files? convert to zip files)
www.linkblip.com (link+ your email id=new link, opening alert)
www.confabio.com (video chat)
www.picanswers.com (upload picture,photo answer search)
www.cutomize.org/wallpaper (cutomize wallpaper)
www.yugabharthi.blogspot.com (tamil poemes)
www.pavijay.in (tamil poemes)
www.kavimalar.com (tamil pomes)
www.tokbox.com (video chatting)
www.xpatispy.org (unwanted software download? finder)
www.voxlite.com (video e mail)
www.sendlong.com (large size file speed upload)

www.tamilblood.tk (free tamil movie down load)
www.tamilterminal.com (free tamil movie down load)
www.oruwebsite.com (free tamil movie down load)
www.photo-notes.net (add notes)
www.slidelive.com (create slide show)
www.filext.com (file format extension search, extension software download)
www.eprompter.com (download e mail accounts managing software)
www.pikifx.com (photo, picture edit)
www.photoshop.com/express (photo,picture edit,save)
www.iwantsandy.com (receive an email.set reminder through e mail)
www.mediamingle.com (double window, picture search)
www.imo.im (free software,many chat accounts manage )
www.kantataris.org (down load media player)
www.passwordbird.com (pass word maker)
www.wavemypic.com (picture edit water wave picture)
www.irfanview.com (slide show software)
www.only2cliks.com (add site address, one click open)
www.searchme.com (book page view? search!)

www.eyejot.com (video email)
www.dafont.com (up, down load your fonts)
www.repairmyword.com (repair, recover word file's free software)
www.printablepaper.net (print paper background design)

அம்மா

என்னை தான் அம்மா
அடிப்பால்....
ஏனோ
அவள் முகத்தில்
வலி தெரியும்.....!

கடைசியில்
நிச்சயம் முத்தம்
கிடைக்கும்

ஏனோ
இன்னோரு தரம் அடிக்க மாட்டாளா- என்று
மனசு ஏங்கும்.....

ஒவ்வொரு பிறந்தநாளும்
அம்மாவின்
இனிப்போடு தான்
பிறக்கும்....

கடைசிவரை கேடகவே இல்லை
அம்மாவின் பிறந்த நாளை.....!

-ஆதிசிவம்.

ஆழ்வார்பேட்டை ஆண்டவன்

கமல் அவதாரம்.

நான் நடிகன்தான் ஆனால் என்னால் (முழு நேர நடிகர்கள்)அரசியல்வாதிகளைப் போல நடிக்க முடியாது.நான் நடிக்கும் நடிப்பை மக்களின் வாழ்க்கையிலிருந்து திருடுகிறேன் என்று சொல்லும் கமல் இதுவரை பல்வேறு அமைப்புகள்,நிறுவனங்கள் வழங்கிய விருதுகளின் எண்ணிக்கை 172 உலகில் இதுவரை இருந்தவர்கள்,இப்போது இருப்பவர்கள் யாரும் இவ்வளவு விருதுகள் பரிசுகள் பெற்றதில்லை.

26.4.08 அன்று சென்னையில் ''தசவாதாரம்'' படப் பாடல் வெளியிட்டு விழா நடந்தது.

''எனக்கும் படப்பிடிப்பின்போது 34 இடங்களில் எலும்பு முறிந்து இருக்கிறது'' என்றார், கமல்.

''கமலுக்கும் ஜாக்கி சானும் சில மாத இடைவெளியில், ஒரே தேதியில் பிறந்த அண்ணன்,தம்பிகள்''என்றார்,கலைஞர்.

''வணக்கம் சென்னை'' என்று தமிழில் ஆரம்பித்து கலக்கினார்,ஜாக்கி.

நான் உங்களோடு சேர்ந்து நடிக்க ஆசைப்படுகிறேன்.நீங்கள் ஆகஷன் காடசிகளில் நடித்துக் கொள்ளுங்கள்.நான் காதல் காடசிகளில் நடிக்கிறேன் என்றார்,ஜாக்கி.

நடக்க முடியாமல் வந்த முதல்வர் கலைஞரை ஓடிப்போய் கைத் தாங்கலாக அழைத்து வந்தது,விழா மேடையில் கிடந்த குப்பைகளை பொறுக்கிப் போய் குப்பைத் தொட்டியில் போட்டு ஜாக்கியே விழாவின் நாயகன் என்ற பெயரை தட்டிச் சென்றார்.

இந்திய உணவுகளையும்,தண்ணீரையும் நான் மறுத்தேன் என்பது பொய் என்றும்...

ஹாங்காங் சீன இயக்குநர்களுக்கு நான் ஒன்று சொல்லிக் கொள்ள விரும்புகிறேன்.தசவாதாரம் படத்தை நிச்சயம் பாருங்கள்.இன்னும் முன்னைக் காட்டிலும் கடினமாக உழையுங்கள்.ஏனெனில் உலக ரசிகர்களை இந்திய சினிமா தன் பக்கம் திருப்பிக்கொண்டிருக்கிறது,என்று எச்சரித்தார்,ஜாக்கி தன் இணைய தளம் வழியே....

அதற்கு பெயர்தானே கமலஹாசன்!

இதயம் ரோஜா மலராக இருந்தால் வார்த்தைகளில் அதன் வாசம் தெரியும்.
-ரஷிய பழமொழி.

ஜாக்கி சானின் கதை

2008-04-30T21:30:00.009+05:30

எனக்குப் பிடித்த
பூக்களின்
பட்டியலில்
உன்னையும்
சேர்த்திருக்கிறேன்

நான்....!

உனக்குப் பிடித்த
விளையாட்டு
பொம்மைகளின்
வரிசையில் என்னையும்
சேர்த்திருக்கிறாய்

நீ.....!

ஹைக்கூ பார்வை ஜாக்கி சானின் கதை-3

2008-04-07T15:18:00.005+05:30

''குமுதம்'' வார இதழின் நிறுவனர் எஸ்.ஏ.பி தான் வாங்கும் அத்தனை அகராதிகளிலும் முடியாது எனக்குறிக்கும் இம்பாசிபிள்-"impossible" என்ற ஆங்கில வார்த்தை இடம் பெறும் பக்கத்தை கிழித்துப் போட்டுவிடுவாராம். .

நதியில் பிட்டித்த தீ!
....கன்னட வாழ் தமிழர்களின் மனநிலை ஒரு பறவைப்
பார்வை...

பெங்களூரில் 60 விழுக்காடு தமிழர்கள் மென்பொருள் வல்லுநர்களாக
இருக்கிறார்கள்.கன்னட படங்களை விட தமிழ் படங்கள் நன்றாக ஒடுவதால்,பொறாமைத் தீ தான் கன்னட பிரச்னைக்கு காரணம்!

தங்களின் பிள்ளைகளை கன்னடத்தில் பாடங்களை படிக்க ஒப்புக்கொண்டும்,பெங்களூரைப் பற்றி,கருநாடக அரசாங்கத்தைப் பiற்றிய ஆதரவு நிலையில் ,இவ்வளவு ஏன் காவேரி பிரச்னையில் கூட கருநாடாகவுக்கு ஆதரவாக கருநாடக மாநில உணர்வில்தான் கருநாடக வாழ் தமிழர்கள் இருக்கிறார்கள் என்ற விவரம்

எல்லா கன்னடர்களுக்கும் தெரியும் என்றாலும்...

இன்னொரு பக்கம் தமிழ் நாளிதழ்கள்,தமிழ் சேனல்,தமிழர் பண்டிகைகள் என்று எதையும்,யாருக்காகவும் விட்டுக்கொடுக்காமல் தமிழனின் அடையாளங்களோடு இருப்பது கன்னடர்களின் கண்களை குத்தி,உறுத்துகிறது...!

இது இப்படி இருக்க....

சென்னைத் தீவுத்திடலில் ஏபரல் 6ந்தேதி (2008) ''தெலுங்கு'' திருமலை திருப்பதிக்கு
திருக்கல்யணமாம்.திருப்பதி தேவஸ்தானமே விழா ஏற்பாடுகளை செய்கிறதாம்!மண்டபத்திற்கான கட்சி அரங்குகளை பிரபல சினிமா கலை இயக்குநர் தோட்டா தரணி அமைக்கிறாராம்.

திருப்பதியிலேயே செய்யப்பட்டு கொண்டுவரப்பட்ட லட்டு,பிரசாதங்களை இலவசமாக வழங்குகிறதாம், தேவஸ்தானம்.ஆனால் அதற்கு நுழைவுச்சீட்டு வாங்கி இருக்க வேண்டுமாம்.ஆள் ஒன்றுக்கு சும்மா வெறும் ஆயிரம் மட்டுந்தானாம்!

சிரிக்காதீங்க........
பெங்களூரிலிருந்து ஆதிசிவம்...

ஹைக்கூ பார்வை ஜாக்கி சானின் கதை-3

பசித்தவனுக்கு ரொட்டி(உணவு)தான் கடவுள்.ஒரு நாய் பட்டினி கிடந்தால் கூட இங்கே இருக்கும் அத்தனை மதங்களுக்கும்,கடவுள்களுக்கும் அர்த்தமே இல்லை.
-சுவாமி விவேகானந்தர்.

50 பேருக்கும் குறைவானவர்கள் மட்டுமே பயணம் செய்யக் கூடிய அந்த கப்பலில் 150-க்கும் மேற்பட்ட புரட்சி வீரர்களை திரட்டிக்கொண்டு பயணம் செய்தது காஸ்ட்ரோ தலைமையிலான கியூபாவின் விடுதலைப்படை!ஒரு வீரன் தடுமாறி தண்ணீருக்குள் விழுந்துவிட்டான்.சுற்றிலும் இருட்டு!ஒரே கூச்சல் குழப்பம்,இருட்டின் சிரிப்பாய் எங்கும் எதிரொலித்தது.ஒரே ஒரு மண்ணெய் விளக்கு மட்டுந்தான்!

''ம்... இதோ காப்பற்றி விட்டேன்'' என்று ஒரு குரல் கேட்டது.அந்த குரல் ''சே குவேரா''வுக்குரியது.கிழக்கின் வெளிச்சமாய்,காஸ்ட்ரோ சொன்னார். ''நாம் வெற்றி பெறுவோம் என்பதற்கு இது(நீ )தான், சே

அடையாளம்'' என்றார், உணரச்சி ததும்ப..

ஹாலிவுட் பார்வை
bc 10000 கிமு 10000

path finder, apocalypto என்ற இரு படங்களின் கலவை,இது! சிறு சிறு கூட்டமாக,தனித் தனி அடையாளங்களோடு,சிறு சிறு கூடாரங்களில் அமைதியாக வாழ்ந்து
வருகிறார்கள்,பனிக்காட்டு மனிதர்கள்.

எப்போதாவது பயங்கர ஆயுதங்களோடு எல்லோரையும் கொன்று விட்டு மீதி இருப்பவர்களை கயிறு கட்டி இழுத்துப் போகிறது ஒரு கூலிப் படை.அப்படிப் பட்ட தாக்குதலில் இருந்து உயிர் பிழைத்த சிறுமி தான்.நாயகி!
நாயகனின் அப்பாவும் அவனை சிறுவயதில் அனாதையாக விட்டு விட்டு அந்த கூலிப்படையின் இரகசியம் தேடிப்போய் தொலைந்து போகிறார்....

நாயகனும்,நாயகியும் வளர்ந்து பெரியவர்களாகிறார்கள். ஒரு மிகப் பெரிய யானைக் கூட்டம் வருகிறது.வேட்டையில் சிறந்தவர்களே புதிய தலைவர் என்ற அறிவிப்பு வெளியாகிறது
நாயகனுக்கே தலைமை பொறுப்பு வருகிறது.நான் அந்த யானையை தனியாக கொல்ல வில்லை.சந்தர்பவசத்தால் அதுவாகவே தான் ஈட்டில் செருகி செத்துப் போனது,நான் ஒன்றும் வீரன் இல்லை என்கிறான்,இதுவரை தலைவராக இருந்தவரிடம்

''எனக்கு தெரியும்,தலைமை பொறுப்புக்கு வருவதை நான் ஏற்றுக்கொள்ள மாட்டேன்.நீ யே தலைவனாக இரு! '' பழைய தலைவர்.

அந்த கொடூரம் மீண்டும் நிகழ்கிறது! மீண்டும்அந்த கூலிப்படை கொன்று குவிக்கிறது.மீதி
இருப்பவர்களை கயிறு கட்டி இழுத்துப் போகிறது.அந்த கூட்டத்தில் நாயகியும் போகிறாள்...

நாயகி நிலா அழகி,திகட்டாத அழகு,பார்த்துக்கொண்டே இருக்கலாம்.அத்தனை அழகு!

சிறு சிறு கூட்டங்களாக இருக்கும் எல்லா பனிக்காட்டு வீரர்களும் அதே காட்டுமிராண்டி கும்பலால் பாதிக்கப்பட்டுத்தான்
இருக்கிறார்கள்.அவர்களும் கடும் கோபத்தில்தான் இருக்கிறார்கள் என்பதையும் அறிகிறான்.

எல்லா சிறு கூட்டங்களைளயும் ஒன்று சேர்கிறான்,நாயகனே எல்லோருக்கும் தலைவனாக வழி நடத்திச் செல்கிறான்.பாலைவனத்தில் மனித நதியாக நகர்ந்து போகிறார்கள்.காதல் காலத்தில் நாயகி காட்டிய நட்சத்திரமே எல்லோருக்கும் திசைகாட்டி...

ஒரு நதியில் தன் நாயகியும்,தன் இன மக்களும் எங்கோ சிறு சிறு படகுகளில் கூட்டிச் செல்வதைப் பார்க்கிறார்கள்.நாயகன் தன்னை நிச்சயம் காப்பாற்றுவான் நம்பிக்கை ஒளி கண்களில் மின்ன
பிரிகிறாள்...நாயகி..

பிடித்துப்போன மக்களை அடித்து,அடிமையாக்கி சூரிய கடவுளுக்கு மிகப்பெரிய கோவில் கட்ட யானைகளோடு மனிதர்களும் மிருகங்களைப் போல நடத்தப்படும்,அந்த இரகசியம் புரிகிறது.

''அவர்களிடம் இருந்தால் தான் அவர்கள் அடிமைகள்,நம்மோடு இருந்தால் அவர்கள் வீரர்கள்'' என்ற வெற்றி முழக்கத்தோடு,அந்த அடிமையாக்கப்பட்ட மக்களுக்கு புரிய வைத்து மக்களோடு மக்களாக கலந்து ,ஆயுதங்களை மண்ணுக்கள் புதைத்து தக்க சமயம் பார்த்து ஒரே நேரத்தில் தாக்குதலை தொடங்குகிறது,அந்த விடுதலைப்படை!....

இறுதில் கடவுளின் பெயரால் ஏய்த்துப் பிழைக்கும் கூட்டத்தின் தலைமைப் பெண்ணை கொலகிறான்,நாயகன்.

தன் இனத்தோடு,நாயகியையும் மீட்கிறான்,நாயகன்!

சேதி:
கடவுளின் பெயரால் ஏய்த்துப் பிழைக்கும் அந்த அந்த தேசிய அவமானம் இன்றும் கூட தொடர்கிறது

என்பதுதான் அந்த படம் நமக்கு சொல்லும்,சொல்ல வரும் செய்தி!<

எருமை மாடு,ஆண்,பெண் இம்மூன்று பிரிவை சேர்ந்தவர்களில் அதிகம் உழைப்பது யார் என்று ஆய்வு நடத்தினார்கள்.அதில் அதிகம் உழைப்பது பெண்,அடுத்து எருமைமாடு,கடைசியாக ஆண் என்று ஆய்வு சொன்னது.

-பிருந்தா கரத்(மார்க்சிஸ்ட் கம்யூனிஸ்ட்)

ஹைக்கூ பார்வையில்...
ஜாக்கிசானியினின் கதை-3
தீயின் சுறுப்பாய் ...
தலையில் தீப்பிடித்த சுழலும் பம்பரமாய் இயங்குவது தான் சீனர்களின் இயல்பு.
அந்த தீ ஜாக்கிசானையும் பற்றிக் கொண்டது ஆச்சரியமில்லைதான்!

தனது பள்ளி மாணவர்களை திரைப்படத்துறைக்கு அனுப்பும் காலகட்டம் வந்தது.

ஜாக்கி எட்டு வயதில் 1962-ஆம் ஆண்டில் நடித்து வெளிவந்த படம்

big and little wong tiin bar

ஜாக்கியால் ஒரு இடத்தில் சும்மாவே உட்காரவே முடியாது..வேக வேகமாகச் சாப்பிடுவது உடல்நலத்திற்கு கேடு,கெட்ட பழக்கம் என்கிறது,மருத்துவம்.ஆனால் ஜாக்கியால் இந்த கெட்ட பழக்கத்தை விட முடியவில்லை.

அப்படிப்பட்ட ஜாக்கி, ஆரம்ப நாடகளில் ''அங்கே போய் படு; மூச்சின்றி கிட'' என்று பெரும்பாலும் செத்த பிணமாக 'நடிக்கும்' வேலைகளையே கொடுத்து வேடிக்கைப் பார்த்தது,திரைத்துறை!பிறகு சண்டை காட்சிகளில் ஈடுபட்டு,உயரமான கட்டிடங்களில் தாவி ஏறுவது,குதிப்பது போன்ற ''டூப்''பாக நடித்தார்.கொஞ்ச கொஞ்சமாக சண்டைக் காட்சிகளில் நடிப்பது என்பதிலிருந்து,சண்டைக் காட்சிகளைத் தானே வடிவமைக்கும் நிபுணராக உயர்ந்தார்.
''இதையெல்லாம் பார்த்த ஒரு படத்தயாரிப்பாளர் ஒருவர் நீயே நடிக்கலாமே'' என்று கூற அப்படி நடித்து 1976-þø வெளிவந்த படந்தான்
little tiger from kanton

அதே நேரத்தில் ஹாங்காங் திரைத்துறையில் ஒரு மாபெரும் மாற்றம்,வெற்றிடம் நிகழ்ந்தது.
''ப்ரூஸ் லீ'' யின் மரணம்!ப்ரூஸ் லீ-யை உருவாக்கிய பெருமை இயக்குநர் லோவி என்பவரைத்தான் சேரும்.அவரின் அதிரடிப்பார்வை ஜாக்கியை குறி வைத்தது.ஜாக்கியை ப்ரூஸ் லீ யாக்க விரும்பினார்.

ஆனால் அதற்கு ஜாக்கி ஒத்துக் கொள்ளவில்லை!
நான்,நானாகவே இருக்க விரும்புகிறேன்.அப்படி நடித்து 1978-þல் வெளிவந்த படந்தான்
half a loaf of kung foo

அதிரடிப் பார்வை தொடரும்.....

எம்.ஜி.ஆர் முதலமைச்சராக இருந்தபோது,அப்போதைய கருநாடக முதலமைச்சர் குண்டுராவ் வீட்டில் சாப்பிட்டு விட்டு,(கவேரி தண்ணீர் பிரச்னை காரணமாக) ஒரு டம்ளர் தண்ணீர் கூட குடிக்காமல் கிளம்பி விட்டார், அந்த

புரடசித்தலைவர்

-புரட்சித் தமிழன் ''சத்யராஜ்''.